Ən yeni texnoloji yeniliklər əsasında fəaliyyət göstərən şüşə konstruksiyalı müasir istixana kompleksimizdə yetişdirilən məhsullar yerli bazarda lider mövqeyini qorumaqla yanaşı, digər istixanaların keyfiyyətli ehtiyacının da mühüm bir qismini qarşılayır.
Məhsullarımız
İstixanalarda yetişdirilən əsas pomidor çeşididir. Bu çeşidin fərqləndirici xüsusiyyəti salxım şəklində satılmasıdır. Çəkisi 100-110 qr olan pomidorlar 5-li salxım şəklində təkrar emal edilmiş qutularda satılır. Pomidorun salxım şəklində yığılması meyvənin bitkidən dərildikdən sonra belə salxımda olan qida maddələrindən bəslənərək daha təravətli və uzunömürlü olmasını təmin edir. Bu çeşid xarici görünüşünə görə dairəvi formada və tünd qırmızı rəngdə olur.
Bu pomidor növü xüsusi ləzzətli dada malikdir və ənənəvi dadı ilə yaddaşlarda qalan “Zirə pomidoru ”-nu əvəzləyir. Çəkisi 70-75 qr olan Ləziz Bakı pomidoru ziyafətlərdə, şənliklərdə, restoran və otellərdə süfrələrin bəzəyi olur. Çeşidin sahib olduğu duzlu və ləzzətli dadı onu öz sinfində olan digər pomidor çeşidlərindən hər zaman fərqləndirir.
Bu çeşidin hər biri 20-25 qr olan pomidorları təkli şəkildə yığılır. İtalyan mətbəxinin əvəzedilməz pomidor çeşidi olaraq çox yüksək dad göstəricisinə malikdir. Salatların hazırlanmasında geniş istifadə olunan Çeri pomidorunun tərkibində yüksək miqdarda likopen mövcuddur.
Çəkisi 20-25 qr olan bu pomidor çeşidi özünəməxsus dada malikdir. Məhz bu səbəbdən, Plum Çeri pomidorunun dadına baxanlar ləzzətini sözlə ifadə etməyə çətinlik çəkir.
Bu ətli və dadlı pomidor çeşidi hər biri 150-170 qr olmaqla təkli şəkildə yığılır. Açıq-qırmızı və yaxud xalq arasında bilinən çəhrayı rəngdədir.
Uzun silindrik formalı, çəkisi 300-350 qr olan bu badımcan növü parlaq görünüşə və gözəl dada malikdir. Azərbaycan bazarında bəyənilən bu çeşid artıq Rusiya bazarında da özünəməxsus yerə sahibdir.
Ən yeni texnoloji yeniliklər əsasında fəaliyyət göstərən şüşə konstruksiyalı müasir istixana kompleksimizdə yetişdirilən məhsullar yerli bazarda lider mövqeyini qorumaqla yanaşı, digər istixanaların keyfiyyətli ehtiyacının da mühüm bir qismini qarşılayır.
Şirkətin istixanalarında zərərvericilərə qarşı mübarizə üçün insanlar tərəfindən yaradılan kimyəvi vasitələrdən deyil, elə təbiətin özündən gələn həll yollarından istifadə edilir. Belə ki, bu sahədə dünyaca məşhur “Koppert” şirkəti ilə əməkdaşlıq edilərək xeyirli həşəratlar idxal edilir. Bu həşəratlar zərərvericilər və onların yumurtaları ilə qidalanaraq zərərvericilərə qarşı mübarizə problemini aradan qaldırır. Nəticə etibarilə məhsulların tərkibində kimyəvi qalıntıların olma ehtimalı sıfıra bərabər olur.
“Green Tech” MMC-nin fəaliyyətinin bütün istiqamətlərində əsas prioritet ətraf mühitin mühafizəsidir. Belə ki, şirkətin hazır məhsulunun qablaşdırılması kimi istifadə edilən kartonlar tamamilə təkrar istehsalın məhsuludur. İstixananın qış dövründə isidilməsi üçün istifadə edilən qazanxanada isə təbii qazın yandırılması nəticəsində ayrılan CO2 xüsusi tutucular tərəfindən tutularaq istixanalara fotosintez prosesinin sürətləndirilməsi üçün ötürülür. Həmçinin, drenaj sularının ətraf mühiti çirkləndirməməsi üçün onlar təmizlənərək təkrar istifadə edilir.
Bioloji mübarizə və ətraf mühitə həssas yanaşma nəticəsində bütün məhsullar ekoloji cəhətdən tam sağlam və yüksək keyfiyyət göstəricilərinə uyğun olur. Şirkət istifadə etdiyi bütün su ehtiyatlarından hər ay 5 ədəd nümunəni mikrobioloji və kimyəvi analizlər üçün Avropanın ən qabaqcıl laboratoriyasına göndərir. Məhsulların keyfiyyətinin daha da artırılması məqsədilə 2013-cü ildən etibarən müasir şitilxana kompleksi fəaliyyət göstərir. Bundan əlavə, qida təhlükəsizliyi standartlarına tam riayət olunduğunu təsdiq etmək üçün bu sahədə lider olan “SGS” şirkəti ilə əməkdaşlıq edilir. “Şitil və təzə tərəvəzlərin, əsasən pomidorların yetişdirilməsi” fəaliyyət sahələri üzrə ISO 22000:2005 idarəetmə sertifikatına layiq görülüb.
Şirkətin istixana ərazisi tamamilə avtomatlaşdırılıb. Belə ki, havalandırma, sulama və isitmə sistemləri tam avtomatik şəkildə çalışır. Bundan əlavə, məhsulların qablaşdırılmasında və paketlənməsində də avtomatlaşdırılmış konveyer üsulundan istifadə edilir.
Şirkətdə 400 nəfər əməkdaş müxtəlif vəzifələrdə çalışır. Vəzifəsindən asılı olmayaraq, hər kəs Şirkət qarşısında bərabərhüquqludur. Şirkətin məqsədlərindən biri şirkət daxilində ailə mühiti yaratmaq, hər bir əməkdaşın hər zaman yanında olaraq dəstəkləməkdir.
Müraciətinizi 5 iş günü ərzində qeydiyyata alıb məsul əməkdaşa ünvanlayacaq, 5 iş günü ərzində müraciətiniz araşdırılıb bu barədə Sizə məlumat verəcəkdir.